भंडारा
जिल्हयात “शासन आपल्या दारी” अभियानाअंतर्गत दिनांक 20 नोव्हेंबर 2023, सोमवार रोजी सकाळी 11.30 वाजता चैतन्य पोलिस मैदान, पोलिस मुख्यालय भंडारा येथे जिल्हास्तरीय मेळावा / कार्यक्रम घेण्याचे निश्चीत झाले आहे. सदर कार्यक्रम मा.मुख्यमंत्री, मा.उपमुख्यमंत्री, महाराष्ट्र राज्य यांच्या प्रमूख उपस्थितीत घेण्यात येणार असून सदर कार्यक्रमात जिल्हयातील नागरीकांना विविध विभागांच्या योजनांचा थेट लाभ प्रदान करण्यात येणार आहे. त्याचे औचित्य साधून जिल्हयातील सुशिक्षित बेराजगार युवक व युवतींना मोठया प्रमाणात रोजगार उपलब्ध करून देण्याच्या दृष्टीने जिल्हा कौशल्य विकास, रोजगार व उद्योजकता मार्गदर्शन केंद्र भंडारा यांचेद्वारा दिनांक 20 नोव्हेंबर 2023, सोमवार रोजी सकाळी 11.30 वाजता चैतन्य पोलीस मैदान, पोलीस मुख्यालय भंडारा या ठिकाणी पंडित दीनदयाल उपाध्याय महारोजगार मेळावा आयोजित करण्यात आला आहे.
सदर रोजगार मेळाव्यामध्ये खालीलप्रमाणे नामांकित कंपन्या सहभागी होणार असून त्यांच्या माध्यमातून एकूण 1682 रिक्तपदे भरण्यात येणार असून त्यांच्या माध्यमातून जिल्हायातील नोकरीइच्छुक सुशिक्षित बेरोजगार युवक व युवतींना मोठ्या प्रमाणात रोजगाराच्या संधी उपलब्ध होणार आहेत.
