भंडारा, दि. 4: जिल्ह्यात दहावी व बारावीच्या परीक्षांचे सुयोग्य आणि पारदर्शक आयोजन करण्यासाठी जिल्हास्तरीय दक्षता समितीची बैठक आज संपन्न झाली. यावेळी जिल्हा पोलीस अधीक्षक यांनी सांगितले की, परीक्षा सुरळीत पार पडण्यासाठी गुप्तचर यंत्रणा सक्रिय करण्यात आली आहे. तसेच, भरारी पथके जिल्ह्यात कार्यरत राहतील.
महत्वाचे निर्णय:
भरारी पथकांची स्थापना: जिल्हाधिकारी, पोलीस अधीक्षक, शिक्षणाधिकारी व इतर वरिष्ठ अधिकाऱ्यांचे विशेष भरारी पथक काम पाहणार आहे.
संवेदनशील परीक्षा केंद्रांवर विशेष लक्ष: जिल्ह्यात 22 संवेदनशील परीक्षा केंद्रे निश्चित करण्यात आली असून, या केंद्रांवर विशेष पथक नियुक्त केले जाईल.
प्रशासकीय कारवाईचा इशारा: परीक्षेच्या कामात हलगर्जीपणा केल्यास संबंधितांवर फौजदारी आणि प्रशासकीय कारवाई केली जाईल.
कॉपी मुक्त परीक्षा अभियान: विद्यार्थ्यांना कोणत्याही गैरप्रकारांपासून दूर ठेवण्यासाठी शासनाने 112 क्रमांक उपलब्ध करून दिला आहे.
परीक्षा वेळापत्रक:
बारावी लेखी परीक्षा: 11 फेब्रुवारी ते 18 मार्च 2025
दहावी लेखी परीक्षा: 21 फेब्रुवारी ते 17 मार्च 2025
विद्यार्थी संख्येचा आढावा:
माध्यमिक केंद्रे: 88 | विद्यार्थी: 15,463
उच्च माध्यमिक केंद्रे: 65 | विद्यार्थी: 17,060
महत्वाच्या सूचना:
परीक्षा केंद्रांवर अधिकारी आणि कर्मचाऱ्यांनी मोबाईलचा वापर करू नये.
कोणत्याही प्रकारच्या गैरप्रकारांची तक्रार करण्यासाठी नियंत्रण कक्ष कार्यान्वित.
भरारी पथकांद्वारे परीक्षा केंद्रांची नियमित तपासणी केली जाईल.
परीक्षेला येणाऱ्या विद्यार्थ्यांची मुलांची तसेच मुलींची तपासणी करण्यात येणार आहे मुलींची तपासणी महिला शिक्षिका करतील.
